ޝާމިލު އިސްވެރިންގެ މަހާސިންތާއެއް ނިލަންދެއަތޮޅު އުތުރުބުރީ ނިލަންދޫގައި ބާއްވައިފި

30 ސެޕްޓެންބަރ 2022


ޑިޕާރޓްމަންޓް އޮފް އިންކްލޫސިވް އެޑިއުކޭޝަނާއި ނިލަންދެއަތޮޅު އުތުރުބުރީ އަތޮޅުކައުންސިލާއި ފ.އަތޮޅު ތަޢުލީމީ މަރުކަޒާއި ގުޅިގެން "ޝާމިލު އިސްވެރިންގެ މަހާސިންތާ" ގެ ނަމުގައި މަހާސިންތާއެއް މިއަތޮޅު ނިލަންދޫގައި ބާއްވައި ފިއެވެ.

2022 ސެޕްޓެންބަރ 28 އިން 29 އަށް 02 ދުވަހުގެ މުއްދަތަށް ބޭއްވި މި މިހާސިންތާއަކީ އިންކްލޫސިވް އެޑިއުކޭޝަން ހަރުދަނާ ކުރުމާއި ޝާމިލް ކުރުމުގެ ޘަޤާފަތެއް ރަށްރަށުގައި އާލާކުރުމަށްޓަކައި ކުރެވިދާނެ ކަންކަމާމެދު މަޝްވަރާކުރުމަށް ބޭއްވި މަހާސިންތާ އެކެވެ.

މުލަކައަތޮޅާއި ނިލަންދެއަތޮޅު އުތުރުބުރީގެ އަތޮޅުކައުންސިލްގެ ރައީސާއި، ސެކްރެޓަރީ ޖެނެރަލްގެ އިތުރުން މި ދެއަތޮޅުގެ ސްކޫލް މަދަރުސާތަކުގެ ޕްރިންސިޕަލުންނާއި ކައުންސިލް ތަކުގެ ރައީސުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުގެ ރައީސާއާއި، މި ދެއަތޮޅުގެ ވެރިކަންކުރާ ރަށުގެ ބައެއް އެހެނިހެން ދާއިރާތަކާއި އެން.ޖީ.އޯސްތައް ހިމެނޭގޮތަށް 50 ބައިވެރިންނަށް އަމާޒުކޮށްގެން ކުރިއަށް ގެންދިޔަ މި މަހާސިންތާގައި މި ދެއަތޮޅުގެ ހުރިހާ ރަށަކުންވެސް ބައިވެރިވެފައި ވެއެވެ.

މި މަހާސިންތާގައި މަޢުލޫމާތު ދެއްވާފައިވަނީ ޑިޕާރޓްމަންޓް އޮފް އިންކްލޫސިވް އެޑިއުކޭޝަންގެ ބޭފުޅުންނެވެ. މި މަހާސިންތާ ނިމިގެން ގޮސްފައިވަނީ ބައިވެރިންނަށް ގިނަގުނަ މަޢުލޫމާތު ތަކެއް ލިބިގެންދިޔަ، ކާމިޔާބު މަހާސިންތާއެއްގެ ގޮތުގައެވެ.