ނިލަންދެއަތޮޅު އުތުރުބުރީ އަތޮޅު ކައުންސިލްގެ ދެ މަޤާމަކަށް މީހުން ހަމަޖައްސައިފި

ނިލަންދެއަތޮޅު އުތުރުބުރީ އަތޮޅު ކައުންސިލް އިދާރާގެ ދެ މަޤާމަކަށް މީހުން ހަމަޖައްސައި، އެ މަޤާމުތަކަށް ހަމަޖެއްސެވި މުވައްޒަފުންނަށް މަރުޙަބާކިއުން ނިލަންދެއަތޮޅު އުތުރުބުރީ އަތޮޅު ކައުންސިލްގެ އިދާރާގައި ބާއްވައިފިއެވެ.

ސީނިއަރ ކައުންސިލްގެ އޮފިސަރުގެ މަޤާމަށް ހަމަޖައްސާފައިވަނީ ފ. ނިލަންދޫ މުޝްތަރީގެއާގޭ ފާޠިމަތު އިބްރާހީމެވެ. ފާޠިމަތު އިބްރާހީމް މި މަޤާމަށް ހަމަޖައްސާފައިވަނީ 21 އޮގަސްޓު 2024 ގައެވެ. ފާޠިމަތު އިބްރާހީމް މީގެކުރީގައި ހުންނެވީ ނިލަންދެއަތޮޅު އުތުރުބުރީ އަތޮޅު ކައުންސިލް އިދާރާގެ ފައިނޭންސް އޮފިސަރުގެ މަޤާމުގައެވެ.

ނިލަންދެއަތޮޅު އުތުރުބުރީ އަތޮޅު ކައުންސިލް އިދާރާގެ "ރަންގަލި" ލޯންޗު ޑުރައިވަރުގެ މަޤާމަށް ހަމަޖައްސާފައިވަނީ ފ. ނިލަންދޫ ފަހަމާ އަޙްމަދު ނާޞިރެވެ. އަޙްމަދު ނާޞިރު މި މަޤާމަށް ހަމަޖައްސާފައިވަނީ 01 ސެޕްޓެންބަރ 2024 ގައެވެ. އަޙްމަދު ނާޞިރު މީގެކުރީގައި ހުންނެވީ ފ. އަތޮޅު ސްޓޯރުގެ މަސައްކަތު މީހެއްގެ މަޤާމުގައެވެ.

ސީނިއަރ ކައުންސިލް އޮފިސަރ ފާޠިމަތު އިބްރާހީމަށާއި، ލޯންޗު ޑުރައިވަރ އަޙްމަދު ނާޞިރަށް މަރުޙަބާ ކިއުންއޮތީ 01 ސެޕްޓެންބަރު 2024 ގައި ނިލަންދެއަތޮޅު އުތުރުބުރީ އަތޮޅު ކައުންސިލްގެ އިދާރާގައެވެ.

މި ދެމަޤާމަށް ހަމަޖެއްސެވި މުވައްޒަފުންނަށް މާބޮނޑި ޙަވާލުކޮށްދެއްވީ ނިލަންދެއަތޮޅު އުތުރުބުރީ އަތޮޅު ކައުންސިލްގެ ރައީސް ޙައްވާ ޢަބްދުލް ޢަޒީޒެވެ. މި މުވައްޒަފުންނަށް މަރުޙަބާ ކިއުމުގައި ނިލަންދެއަތޮޅު އުތުރުބުރީ އަތޮޅު ކައުންސިލްގެ ރައީސް ޙައްވާ ޢަބްދުލް ޢަޒީޒާއި، ކައުންސިލްގެ ވެރިންނާއި މުވައްޒަފުން ބައިވެރިވެފައި ވެއެވެ.

މި ދެމުވައްޒަފުންގެ ޝަރަފްގައި ތައްޔާރުކުރި މެންދުރުގެ ކެއުމެއް 01 ސެޕްޓެންބަރު 2024 ވަނަ ދުވަހުގެ 12.00 ގައި ފ. އަތޮޅު ސްޓޭޓްހައުސްގައި އޮތެވެ.